Barmaq izi qeydiyyatı etdirməyən vətəndaşların səsverməsi qadağan edilib
Braziliyada 7 oktyabrda keçiriləcək prezident seçkiləri üçün barmaq izləri götürülə bilməyən 3,4 milyon nəfər səs verə bilməyəcək.
Sputnik Azərbaycan "Anadolu" agentliyinə istinadla xəbər verir ki, 3,4 milyon nəfər barmaq izləri üçün qeydiyyata gəlməyib. Qeydiyyata düşmədiklərinə görə səsvermədə iştirak edə bilməyəcəklər.
Braziliya Ali Məhkəməsi dünən aldığı qərarla barmaq izi qeydiyyatı etdirməyən vətəndaşların səsverməsini qadağan edib.
Braziliya Sosialist Partiyası qərar ilə bağlı deyib ki, bu, yoxsul və maarifləndirilməmiş insanların səsverməsini əngəlləmək deməkdir. Qeydiyyata alınmayanların yarısı, ölkənin yoxsul təbəqəsinin yaşadığı şimal-şərq hissəsində yerləşir.
Seçkinin elektron sistemlə keçirildiyi Braziliyada seçicilərin 2016-cı ildən bəri səsvermələri üçün barmaq izlərinin götürülməsi məcburidir.
Əhalisi 200 milyonu keçən Braziliyada elektron səsvermə sistemi tətbiq olunur.
Şərhlər
Şərhləri göstər Şərhləri gizlət