Boeing ilk pilotsuz yanacaq tankerini sınayıb

Boeing ilk pilotsuz yanacaq tankerini sınayıb

Pentaqonun aparıcı podratçılarından biri olan Boeing, aviadaşıyıcılara əsaslanan ilk MQ-25 Stingray pilotsuz tankerini sınaqdan keçirdi. FaktXeber.com-un Tass-a istinadla verdiyi məlumata görə, bu barədə şirkətin mətbuat xidmətinin cümə axşamı yaydığı açıqlamada deyilir.

Qeyd olunur ki, iki saat davam edən ilk sınaq uçuşu Sent-Luisdəki (İllinoys) hava limanı üzərindən keçirildi. Boeing mütəxəssisləri dronun əsas funksiyalarını yoxlayıblar: "Təyyarə avtonom sükan sınaqlarını başa çatdırıb, sonra əsas uçuş funksiyalarını və yerin idarəetmə stansiyası ilə qarşılıqlı əlaqəsini yoxlamaq üçün əvvəlcədən müəyyən edilmiş bir marşrut üzrə uçub".

Bir dron  4-6 qırıcıya yanacaq doldurmaq üçün 930 km məsafədə təxminən 8 ton yanacaq tədarük edə bilməlidir. Bundan əlavə, nəzarət, kəşfiyyat və məlumat toplama işlərini yerinə yetirmək üçün drona "Stingray"da avadanlıqların quraşdırılması planlaşdırılır.