BƏƏ-də qeyri-adi dünya rekordu müəyyənləşib
Ens.az xəbər verir ki, ölkə ən uzun əl sıxma göstəricisi ilə Ginnesin Rekordlar Kitabına düşüb
Birləşmiş Ərəb Əmirlikləri Ginnesin Rekordlar Kitabına yenidən adını yazdırıb - bu dəfə ən uzun əl sıxma göstəricisi ilə. Rekordun müəyyənləşdiyi mərasim Əbu- Dabidəki "Umm Al Emarat" Parkında keçirilib. Burada cəmiyyətin müxtəlif təbəqələrindən olan 1817 nəfər iştirak edib.
"Bir dünya. Bir müraciət" adlı törən Əbu-Dabi polisinin Gənclər şurasının təşəbbüsü ilə keçirilib və İnsan qardaşlığı haqqında Sənədin imzalanmasının ildönümünə ithaf olunub.
Tədbirdə BƏƏ-nin Tolerantlıq naziri Şeyx Nahyan bin Mubarak Al Nahyan iştirak edib.
O, bu təşəbbüsə ictimaiyyətin geniş kütlələrinin qatılmasını alqışladığını qeyd edərək BƏƏ-nin açıqlıq siyasətini reallaşdırmağa davam edəcəyini, ölkə hakimiyyətinin səylərinin millətin çiçəklənməsinə və xalqlar arasında sülh və qardaşlıq münasibətlərinin qurulmasına yönəldiləcəyini vurğulayıb.
Şərhlər
Şərhləri göstər Şərhləri gizlət