“Bir Pəncərə” vasitəsilə qeyri-neft ixracının dəyəri 19 milyon dollardan çox olub

“Bir Pəncərə” vasitəsilə qeyri-neft ixracının dəyəri 19 milyon dollardan çox olub

Bu ilin avqust ayında “Bir Pəncərə” İxraca Dəstək Mərkəzi vasitəsi ilə həyata keçirilən qeyri-neft ixracının dəyəri 19,5 milyon ABŞ dolları olub.

Ens.az Trend.Az-a istinadən xəbər verir ki, İqtisadi İslahatların Təhlili və Kommunikasiya Mərkəzinin “İxrac İcmalı”ında qeyd olunur ki, 2020-ci ilin yanvar-avqust ayları ərzində “Bir Pəncərə” İxraca Dəstək Mərkəzi tərəfindən yüzlərlə sahibkara ixracla bağlı müvafiq sertifikatlar verilib və bunun nəticəsində 312.8 milyon ABŞ dolları dəyərində qeyri-neft ixracı həyata keçirilib.

 

 

 

 

 

 

Qeyd edək ki, “İxrac İcmalı”nın məqsədi sahibkarları ixracla bağlı maarifləndirməyə, yerli malların ənənəvi və yeni bazarlara çıxarılması imkanlarını artırmağa və beynəlxalq bazarlara inteqrasiya prosesini sürətləndirməyə xidmət edir.