“Beşiktaş” Kuarejma ilə yollarını ayıra bilər
Hazırda Azərbaycanda olan Portuqaliya millisinin futbolçusu Rikardu Kuarejma Türkiyənin “Beşiktaş” klubunu tərk edə bilər.
“Sabah” xəbər verir ki, “Beşiktaş” ilə üç illik müqavilə bağlayacaq yeni baş məşqçi Abdullah Avcı heyətin gəncləşdirilməsinin tərəfdarıdır.
O, 35 yaşlı Rikardu Kuarejma da daxil olmaqla, yaşlı futbolçuların komandadan göndərilməli olduğunu rəhbərliyə bildirib. Klub rəhbərliyi də yeni çalışdırıcıya bu məsələdə dəstək olub. İstanbul klubu ilə müqaviləsi olan Kuarejma başqa komandalardan təklif alsa, satılacaq.
Qeyd edək ki, Rikardu Kuarejma bu gün Gənclər və İdman naziri Azad Rəhimovla görüşüb. O, Bakıda UEFA Avropa Liqasının finalını izlədiyini və şəhərimizi gəzəcəyini bildirib.
Şərhlər
Şərhləri göstər Şərhləri gizlət