Bayden və Si Cinpin “TikTok” ətrafındakı vəziyyəti müzakirə ediblər

ABŞ Prezidenti Cozef Bayden və Çin Sədri Si Cinpin telefon danışığı zamanı “TikTok” sosial şəbəkəsi ətrafında yaranmış vəziyyətə toxunublar.

Ens.az Report.az-a istinadən xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi jurnalistlər üçün keçirdiyi növbəti brifinqdə bildirib.

"Bəli, “TikTok” bu gün müzakirə edildi", - Kirbi deyib. Onun sözlərinə görə, Bayden həmsöhbətinə bu sosial şəbəkənin “kimə məxsus olması ilə bağlı narahatlığını” çatdırıb. "O, Sədr Si Cinpinə aydın şəkildə bildirdi ki, söhbət proqramın qadağan edilməsində deyil, daha çox bizim milli təhlükəsizlik maraqlarımızı qorumaq və amerikalıların məlumatlarını təhlükəsiz saxlamaq üçün onu qadağan etməkdə maraqlıyıq", - Kirbi vurğulayıb.

Amerika administrasiyasının nümayəndələrinin ABŞ-nin keçmiş maliyyə naziri Stiven Mnuçinlə “TikTok”u əldə etmək planlarını müzakirə edib-etmədiyini soruşduqda Kirbi "bu barədə bilmədiyini" qeyd edib. Ağ Evin nümayəndəsinin sözlərinə görə, Mnuçin "fərdi sahibkar" olmaqla bu cür məlumatları özü şərh etməlidir. Mnuçin daha əvvəl CNBC telekanalına “TikTok”u almaq üçün bir qrup sərmayədar topladığını söyləyib.