Bayden: NATO liderləri Trampın yenidən seçilə biləcəyindən qorxaraq mənim qələbəmi istəyirlər

ABŞ prezidenti Co Bayden deyib ki, NATO üzvü olan ölkələrin liderləri onun qalib gəlməsini istəyirlər, çünki ABŞ-ın keçmiş rəhbəri Donald Trampın seçkilərdə mümkün qələbəsindən ehtiyat edirlər.

Ens.az Bizimyol.info-a istinadən xəbər verir ki, Ağ Evin mətbuat xidmətinin yaydığı stenoqramıdan məlum olub ki, o, bu fikri Nyu-Yorkda Demokratlar Partiyasının prezidentlik kampaniyası üçün maliyyə toplama tədbirində bildirib.

“Yenə də deyirəm, bu, mübaliğə deyil, düşünün. Bu, NATO-nu tərk edəcəyini elan edən Trampdır. O, Rusiya Prezidenti Vladimir Putinə NATO üzvləri haqqını ödəməsələr, istədiyini edə biləcəyini söyləyib. Sadəcə onun nə etdiyinə baxın. Dünyanın qalan hissəsi ABŞ-la nə baş verdiyini maraqlandırır. Düşünürəm ki, mənə hörmət edirlər, düşünürəm ki, məni dinləyirlər. Amma məsələ burasındadır ki, o, yenidən qalib gəlsə, ölkələri üçün yaranacaq təhlükədən qorxurlar”, - deyə Bayden vurğuladı.

Fevralın 10-da Tramp Cənubi Karolinada tərəfdarları qarşısında çıxışı zamanı NATO üzvü olan ölkələrin liderləri ilə keçirdiyi görüşlərdən biri haqqında danışıb. Onun sözlərinə görə, daha sonra xarici həmkarlarından biri ondan müttəfiqlərdən biri NATO-ya kollektiv müdafiə üçün ianə ödəmədiyi halda, Rusiyadan ehtimal edilən təhlükə zamanı ABŞ-ın alyansı müdafiə etməyə hazır olub-olmadığını soruşub. Tramp belə bir ölkəni müdafiə etməyəcəyini və əksinə, Rusiya Federasiyasını onunla “istədiyini etməyə” təşviq edəcəyini bildirib. Eks-prezident bu söhbətin nə vaxt, harada və kiminlə aparıldığını dəqiqləşdirməyib.