Baş məşqçi 9 günə 3 milyon avro qazanacaq

Baş məşqçi 9 günə 3 milyon avro qazanacaq

 

İtaliyanın "Bolonya" klubunun hazırkı baş məşqçisi Sinişa Mixayloviç Portuqaliya "Sportinq"indən qovulduğu üçün 3 milyon avro təzminat alacaq.

"Report" "A Bola" nəşrinə istinadən xəbər verir ki, İdman Arbitraj Məhkəməsi (CAS) Lissabon təmsilçinin 51 yaşlı serbiyalı mütəxəssisə 3 milyon avro ödəməli olduğuna dair qərar çıxarıb. 

Mixayloviç 2018-ci il iyulun 18-də “Sportinq”in baş məşqçisi təyin edilib. O, 3 illik müqaviləsinə baxmayaraq, təyinatından 9 gün sonra istefaya göndərilib. 

Sözləşməyə xitam verildikdən sonra baş məşqçiyə 300 min avro ödənilib. Mixayloviç CAS-a müraciət edib və 11.2 milyon avro təzminat tələbi ilə iddia qaldırıb. O, "Bolonya"ya 2019-cu ildən rəhbərlik edir. 

Mənbə: