Balakəndə yük maşını qaz xəttini qırdı, bir kənd qazsız qaldı

Balakəndə yük maşını qaz xəttini qırdı, bir kənd qazsız qaldı

 

Balakəndə yük maşını qaz xəttini qırıb.

Oxu.Az-ın bölgə müxbiri xəbər verir ki, hadisə dünən axşam saatlarında rayonun Katex kəndində baş verib. 

Hərəkətdə olan maşın magistral yolda daşıyıcı qaz xəttini qırıb. Hadisə ilə bağlı Katex kəndinin 1500-dən çox abonentinə mavi yanacağın verilişi dayandırılıb. 

Hazırda Zaqatala Regional Qaz İstismar İdarəsinin Balakən sahəsi üzrə əmkədaşları baş verən qəzanın aradan qaldırılması üçün işlər aparırlar. Bildirilib ki, kəndə qazın verilişi tezliklə bərpa olunacaq.