"Azərpoçt"un sədri vətəndaşlara müraciət edib

"Poçt şöbələrinə yaxınlaşan zaman, sizə POS-terminal xidməti bu və ya digər səbəbdən təklif olunmadığı halda, mütləq təqdim olunan mobil nömrə vasitəsilə əlaqə saxlayaraq, şikayətinizi bizə bildirməyinizi xahiş edirik".

"Ens.az" “Report”a istinadla  xəbər verir ki,bunu Rəqəmsal İnkişaf və Nəqliyyat Nazirliyinə məxsus “Azərpoçt” MMC-nin İdarə Heyətinin sədri Əfqan Cəlilov vətəndaşlara müraciətində bildirib.

“Azərpoçt” olaraq 2 ildir ki, yenilənmə, şəffaflıq və inkişaf istiqamətləri üzrə müəyyən işlər görürük. Ölkədə nağdsız əməliyyatlara dəstək, xüsusilə poçt əməliyyatları zamanı maliyyə şəffaflığının təmin edilməsi məqsədilə artıq 700-dən çox poçt şöbəsi POS-terminalla təmin olunub. Ölkə üzrə bu rəqəm Bakı şəhərində yerləşən bütün poçt şöbələrini, regionlarda isə mərkəzi və şəhər tipli şöbələri əhatə edir.

Bu barədə sizi bir daha məlumatlandırmaq istəyir və sizdən şöbələrimizdə poçt xidmətlərindən faydalanan zaman nağdsız əməliyyatlara üstünlük verməyinizi xahiş edirik. Bu müraciət “Azərpoçt”da müştərilər və əməliyyatçılar arasındakı xidmət prosesi zamanı maliyyə şəffaflığının təmin olunması məqsədini daşıyır. Bu məqsədə nail olmaq üçün siz vətəndaşların dəstəyinə ehtiyacımız var. Əlaqə nömrəsi: (+99451) 235 97 99”, - deyə o qeyd edib.