Azərbaycanda bu istehsal sahələri vergidən azad edilir — Yeni qanun

Azərbaycanda bu istehsal sahələri vergidən azad edilir — Yeni qanun

Azərbaycanda kənd təsərrüfatı texnikasının istehsalı ƏDV-dən azad edilir. Kənd təsərrüfatı təyinatlı suvarma və digər qurğuların, maşınların, avadanlıqların və texnikasının istehsalı əlavə dəyər vergisindən (ƏDV) azad ediləcək.

“Ölkə.Az”  xəbər verir ki, bu məsələ Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan Vergi Məcəlləsinə dəyişiklikdə əksini tapıb. Bununla bərabər, kənd təsərrüfatı texnikasının ehtiyat hissələrinin idxalı və satışı da ƏDV-dən azad edilməsi təklif olunur. Qeyd edək ki, hazırda kənd təsərrüfatı təyinatlı texnikanın idxalı və satışı ƏDV-dən azaddır. Qanun layihəsi Milli Məlisin növbədənkənar sessiyasının növbəti iclasına tövsiyə edilib.