Azərbaycana təxliyyə edilən həmvətənlərimizin sayı açıqlandı
“Martın 15-dən bu günə qədər 159 təxliyyə reysi ilə 13 min 501 Azərbaycan vətəndaşı ölkəyə gətirilib”.
Ens.az Oxu.Az-a istinadən xəbər verir ki, bu barədə Nazirlər Kabineti yanında operativ qərargahın keçirdiyi mətbuat konfransında “Azərbaycan Hava Yolları” QSC-nin vitse-prezidenti Eldar Hacıyev məlumat verib.
O bildirib ki, 151 reys üzrə azərbaycanlılar yola salınıb:
“Bu günə qədər 151 reys üzrə 12 min 821 sərnişin Azərbaycandan öz ölkəsinə yola salınıb. Pandemiya dövründə sərnişin daşınması ilə bağlı qüvvəyə minən yeni qaydalara görə, sərnişinlərin hərarəti ölçüləcək və temperaturu 37,5 dərəcə olan sərnişinlər uçuşa buraxılmayacaq.
Hava limanına yalnız sərnişinlər buraxılacaq və sərnişinlərə hava limanında yeni tibbi maskalar veriləcək.
Sərnişinlərin hava gəmisinə daxil olması sonuncu sıradan başlanacaq. Salonda sərnişinlərə tibbi maska, birdəfəlik əlcək və gigiyenik vasitələr veriləcək”.
Şərhlər
Şərhləri göstər Şərhləri gizlət