Azərbaycan qazının Bolqarıstana nəqli üçün qaz kəməri tikintisinin başlayacağı VAXT dəqiqləşdi

Azərbaycan qazının Bolqarıstana nəqli üçün qaz kəməri tikintisinin başlayacağı VAXT dəqiqləşdi

Azərbaycan qazınını Bolqarıstana nəqlini nəzərdə tutan Yunanıstan-Bolqarıstan interkonnektorunun (IGB) tikintisinin 2018-ci ilin sonunda başlanması planlaşdırılır.

Trend-in məlumatına görə, bunu Yunanıstanda Enerji Forumunda çıxışı zamanı Bolqarıstanın energetika naziri Temenujka Petkova deyib.

Nazir bildirib ki, IGB tədarükün şaxələndirilməsi baxımından Bolqarıstan və Cənub-Şərqi və Mərkəzi Avropa üçün geostrateji əhəmiyyət daşıyır.

 

Onun sözlərinə görə, layihə artıq Avropa enerji bərpa proqramı çərçivəsində 45 milyon avro, həmçinin Avropanın Bolqarıstan struktur fondlarından 39 milyon avro qrant əldə edib:

“Hazırda layihəni həyata keçirən şirkət satınalmalar prosedurunu başa çatdırmaq üzrədir. Bur prosedur ilin sonunadək başa çatacaq. Biz IGB-nin tikintisini bu ilin sonunda başlamağı və 2020-ci ildə başa çatdırmağ planlaşdırırıq”.