Gələn il fevralın 5-dən 8-nə kimi Almaniyanın Leypsiq şəhərində Saksoniya vilayətinin sənaye üzrə aparıcı…
Gələn il fevralın 5-dən 8-nə kimi Almaniyanın Leypsiq şəhərində Saksoniya vilayətinin sənaye üzrə aparıcı "Z və Intec" sərgisi keçiriləcək.
Alman-Azərbaycan Xarici Ticarət Palatasından ("AHK Azərbaycan") Kult.az-a bildiriblər ki, palata bununla əlaqədar Sənaye İxracının Təşviqi layihəsi çərçivəsində fevralın 4-dən 7-nə kimi Azərbaycanın maşın mühəndisliyi, maşın və cihazqayırma sahələri üzrə təşkilat və müəssisələrinin nümayəndələri üçün "Z və Intec" sərgisinə biznes səfəri təşkil edir. Layihə Saksoniya Dövlət İqtisadiyyat, Əmək və Nəqliyyat Nazirliyi (SMWA) tərəfindən maliyyələşdirilir və Saksoniya İqtisadi İnkişaf Korporasiyası (WFS) ilə "AHK Azərbaycan"ın birgə əməkdaşlığı çərçivəsində həyata keçirilir.
Sənaye İxracının Təşviqi layihəsinin proqramına sərgiyə ziyarət, seminarlarda iştirak, müəssisələrlə işgüzar görüşlər, müvafiq sahələr üzrə seçilmiş Saksoniya şirkətləri ilə ikitərəfli görüşlər, eləcə də qeyri-rəsmi formatda müzakirələr və mədəni tədbirlər daxildir. Biznes səfərin əsas məqsədi oxşar biznes profillərinə malik olan Azərbaycan və Saksoniya şirkətlərinin bir araya gətirilməsi və ikitərəfli işgüzar əməkdaşlığın genişləndirilməsidir.
Şərhlər
Şərhləri göstər Şərhləri gizlət