Avtomobildə “Polis” yazısı həkk olunmuş aksesuar asanlara DYP-dən XƏBƏRDARLIQ

Avtomobildə “Polis” yazısı həkk olunmuş aksesuar asanlara DYP-dən XƏBƏRDARLIQ

“Son vaxtlar avtomobillərdə üzərində hüquq-mühafizə orqanlarının adı və atributları həkk olunan aksesuarlardan istifadə halları geniş vüsət alıb”.

Ens.Az-ın məlumatına əsasən,bu barədə Baş Dövlət Yol Polisi İdarəsi məlumat yayıb.

“Təəssüf ki, əksər hallarda belə aksesuarların asıldığı nəqliyyat vasitələri cəmiyyətdə həmin avtomobilin məhz polis və ya digər hüquq-mühafizə orqanlarının əməkdaşlarına məxsus olması haqda yanlış rəy yaradır və təbii ki, belə avtomobillərlə törədilən yol hərəkəti qayda pozuntuları da yanlış anlaşılır.    

Baş Dövlət Yol Polisi İdarəsi üzərində “POLİS”, “DİN”, “DYP” və sair bu qəbildən olan yazılar həkk edilmiş aksesuarlardan istifadənin əhali tərəfindən birmənalı qarşılanmadığını, bəzi sürücülər tərəfindən belə vasitələrdən sui-istifadə hallarının isə yolverilməz olduğunu bildirir”, - məlumatda qeyd edilib.