Avropada görünməmiş iqtisadi böhran olacağı təxmin edilir

Ens.az saytı bildirir ki, Bloomberg analitikləri, koronavirus səbəbiylə iş fəaliyyətinin faktiki dayandırılması fonunda Avrozonada güclü iqtisadi böhranın olacağını proqnozlaşdırırlar.

İqtisadi vəziyyəti əks etdirən ən vacib göstəricilərdən biri - işgüzar fəallıq indeksi (PMI), pandemiya fonunda 1998-ci ildən bu yana Avropada minimum səviyyəyə çatdı və bütün müşahidə müddəti üçün anti-rekord müəyyənləşdirdi. Bu rəqəm 2008-2009-cu illərdəki qlobal iqtisadi böhran dövründəki vəziyyətdən daha pisdir.

Bloomberg ekspertləri yarandığı gündən bu yana AB-də ÜDM-in ən güclü enişini gözləyirlər. Belə ki, COVID-19 epidemiyası artıq bir çox Avropa avtomobil istehsalçılarını istehsalını dayandırmağa məcbur edib, çünki tələb olunan malların tədarükündə ciddi çatışmazlıq yaşanır. PSA (Peugeot, Citroen, Opel və Vauxhal), Fiat Chrysler (Fiat, Alfa Romeo, Chrysler, Dodge) və dünyanın ən böyük avtomobil istehsalçısı olan Volkswagen Avropada və xaricdə olan bütün müəssisələrini bağlayıblar.

Qeyd edək ki, martın 11-də elan edilən koronavirus pandemiyası artıq 180 ölkəyə yayılıb. İnfeksiya Antarktidadan başqa bütün qitələrə yayılıb. Ümumdünya Səhiyyə Təşkilatının son məlumatına görə, dünyada təxminən 370 min insan yoluxub, 16 min nəfər ölüb. Hal-hazırda ən çətin vəziyyət İtaliya, ABŞ və bir sıra Avropa ölkələrindədir. Çində yayılma azalmağa doğru gedir.

Keçən həftə Ümumdünya Səhiyyə Təşkilatı, COVID-19 üçün təsirli bir müalicə olmadığını və müalicənin simptomlara əsaslanaraq yalnız klinik mənzərə əsasında aparıldığını bildirilir.

Mənbə: ria.ru