Avropa Liqası: "Qarabağ" tarixi şansı qaçırıb

Azərbaycan çempionu “Qarabağ” növbəti avrokubok oyununu keçirib.

Apasport.az saytının məlumatına görə, Ağdam təmsilçisi Avropa Liqasının qrup mərhələsinin V turunda “Sevilya” ilə görüşüb.

A qrupunda 1-ci yeri təmin edərək 1/16 finala vəsiqə qazanan İspaniya təmsilçisi "Ramon Sançes Pisxuan" stadionundakı matçda bəzi aparıcı futbolçulara istirahət verib. Növbəti mərhələ şansını son tura qədər uzatmaq əzmində olan “Qarabağ”da isə Qurban Qurbanov kapitan Rəşad Sadıqovu ehtiyatda saxlayıb.

Qarşılaşmanın ilk dəqiqələrindən təşəbbüsə yiyələnən Əndəlüs klubu topa nəzarəti əlində saxlayıb. Lakin daha çox hücum edən Xulen Lopeteqinin yetirmələri fasiləyə qədər bir neçə təhlükəli zərbədən başqa heç nə ilə yadda qalmayıblar. “Qarabağ” isə müdafiəyə qapanaraq imkan düşdükcə əks-hücumlarda rəqibi yaxalamağa çalışıb.

İkinci hissə də eyni ssenari ilə başlayıb. Böyük üstünlüyə malik “Sevilya” təzyiqi daha da artırmağa davam edib. Təmsilçimiz bu təzyiq qarşısında tab gətirməyib. Meydan sahiblərinin 18 yaşlı futbolçusu Brayan Xil avrokuboklardakı debüt matçında hesabı açıb. Buraxılan qoldan sonra da oyuna nəzarət Əndəlüs klubunda olub. Düzdür, futbolçularımız nisbətən fəallığı artırıblar. Lakin oyunda dönüş yaratmaq üçün bunun faydası olmayıb və üstün oyun sərgiləyən ispaniyalılar qələbəni əldən verməyiblər. Lakin oyunda dönüş yaratmaq üçün bunun faydası olmayıb və üstün oyun sərgiləyən ispaniyalılar qələbəni əldən verməyib, hətta 2-ci qolu vurublar.

Beləliklə, “Qarabağ” növbəti məğlubiyyətini alıb. Qrupun digər matçında “Düdelanj” öz meydanında APOEL-ə uduzub. Bu, ikinci yerin sahibinin adına aydınlıq gətirib. Kipr təmsilçisi son turun nəticəsindən asılı olmayaraq 1/16 finala yüksəlib.

“Qarabağ” isə yenə də qrupda qalıb. Hərçənd tarixində ən asan qruplardan birinə düşən Ağdam klubunun püşkatmada bəxti gətirmişdi. “Düdelanj”ın aşkar autsayder, APOEL-in Azərbaycan klublarının “dişinə görə” olduğundan, üstəlik kiprlilərin gözlənilmədən ilk turda autsayderə uduzması üzündən çempionumuz tarix yazaraq mərhələ keçməli, buna borclu idi. Lakin kiprlilərə əvvəl əyani dueldə uduzan “Qarabağ” qiyabi rəqabətdə də zəif olub. Məhz şəxsi oyunlardakı üstünlük səbəbindən son turda Nikosiya klubuna çatmaq imkanı olan Q.Qurbanovun yetirmələri 2-ci yer şansını itirib.

Avropa Liqası
Qrup mərhələsi
V tur, 28 noyabr
A qrupu
00:00. “Sevilya” (İspaniya) – “Qarabağ” (Azərbaycan) - 2:0
Qol: Brayan Gil, 61, Dabbur, 90+2
Baş hakim: Mohammed Əl-Hakim
Baş hakimin köməkçiləri: Fredrik Kliver, Mahbod Beigi
Dördüncü hakim: Martin Stromberqsson (hamısı İsveç)
Hakim-inspektor: Laurent Duhamel (Fransa)
UEFA nümayəndəsi: Paul Daniel Zaharia (Rumıniya)
“Sevilya”: 13. Yassin Bunu, 3. Serxi Qomes, 6. Daniel Karriço, 7. Roni Lopes, 9. Munas Dabbur, 11. Munir, 14. Çiçarito, 15. Alexandro Pozo, 17. Nemanya Qudeli, 18. Serxio Eskudero, 21. Oliver Torres
Ehtiyat oyunçular: 1. Tomaş Vaçlik, 5. Lukas Okampos, 12. Yules Kunde, 22. Franko Vaskes, 26. Joze Mena, 30. Brayan Xil, 34. Felipe Çakartegi.
Baş məşqçi: Xulen Lopeteqi
“Qarabağ”:  1. Asmir Beqoviç, 2. Qara Qarayev, 3. Aylton Silva, 4. Rahil Məmmədov, 9. Xayme Romero, 5. Maksim Medvedev (k), 8. Miçel, 17. Abdullah Zubir, 20. Riçard Almeyda, 30. Abbas Hüseynov, 55. Bədavi Hüseynov.
Ehtiyat oyunçular: 13. Vaqner da Silva, 7. Araz Abdullayev, 10. Dani Kintana, 14. Rəşad Sadıqov, 11. Mahir Emreli, 21. Hacıağa Hacıyev, 23. Faysel Rerras
Baş məşqçi: Qurban Qurbanov
Sevilya. Ramon Sançes Pisxuan stadionu

***

Saat. 01:48

Avropa Liqasının qrup mərhələsinin V turunun "Sevilya" (İspaniya) - “Qarabağ” (Azərbaycan) oyununda hesab dəyişib.

Apasport.az saytının məlumatına görə, Sevilyada keçirilən matçın əlavə olunmuş ikinci dəqiqəsində ev sahibləri fərqi artırıblar. Munas Dabburun zərbəsi dəqiq alınıb - 2:0. 

***

Saat. 01:18

Avropa Liqasının qrup mərhələsinin V turunun "Sevilya" (İspaniya) - “Qarabağ” (Azərbaycan) oyununda hesab açılıb.

Apasport.az saytının məlumatına görə, Sevilyada keçirilən matçın 61-ci dəqiqəsində ev sahibləri fərqləniblər. Rəqibin 18 yaşlı futbolçusu Brayan Xil Avropa Liqasında debüt oyununda komandasını hesabda önə çıxarıb - 1:0. 

***

Saat. 01:00

Avropa Liqasının qrup mərhələsinin V turunun "Sevilya" (İspaniya) - “Qarabağ” (Azərbaycan) oyununda ikinci hissə başlayıb.

Apasport.az saytının məlumatına görə, Sevilyada keçirilən matçın ilk 45 dəqiqəsində qol vurulmayıb. 

***

Saat. 00:46

Avropa Liqasının qrup mərhələsinin V turunun "Sevilya" (İspaniya) - “Qarabağ” (Azərbaycan) oyununda fasilə yaranıb.

Apasport.az saytının məlumatına görə, Sevilyada keçirilən matçın ilk 45 dəqiqəsindən sonra hesab açılmayıb - 0:0.

***

Saat. 00:00

Azərbaycan çempionu “Qarabağ” növbəti avrokubok oyununu keçirir.

Apasport.az saytının məlumatına görə, Avropa Liqasında mübarizə aparan Ağdam klubu qrup mərhələsinin V turunda “Sevilya” ilə üz-üzə gəlir.

“Qarabağ” isə evdə 0:3 hesabı ilə uduzduğu rəqibi büdrətməyə borcludur. Çünki məğlubiyyət komandanın 1/16 final şanslarının üstündən xətt çəkə bilər.

İspaniyada baş tutacaq görüş meydan sahibləri üçün formal xarakter daşıyır. Yarışın beşqat qalibi nəinki 1/16 finala vəsiqəni, hətta 1-ci yeri təmin edib.

Qeyd edək ki, “Sevilya” – “Qarabağ” görüşü Bakı vaxtı ilə saat 00:00-da başlayacaq.

Avropa Liqası
Qrup mərhələsi
V tur, 28 noyabr
A qrupu
00:00. “Sevilya” (İspaniya) – “Qarabağ” (Azərbaycan)
Baş hakim: Mohammed Əl-Hakim
Baş hakimin köməkçiləri: Fredrik Kliver, Mahbod Beigi
Dördüncü hakim: Martin Stromberqsson (hamısı İsveç)
Hakim-inspektor: Laurent Duhamel (Fransa)
UEFA nümayəndəsi: Paul Daniel Zaharia (Rumıniya)
“Sevilya”: 13. Yassin Bunu, 3. Serxi Qomes, 6. Daniel Karriço, 7. Roni Lopes, 9. Munas Dabbur, 11. Munir, 14. Çiçarito, 15. Alexandro Pozo, 17. Nemanya Qudeli, 18. Serxio Eskudero, 21. Oliver Torres
Ehtiyat oyunçular: 1. Tomaş Vaçlik, 5. Lukas Okampos, 12. Yules Kunde, 22. Franko Vaskes, 26. Joze Mena, 30. Brayan Xil, 34. Felipe Çakartegi.
Baş məşqçi: Xulen Lopeteqi
“Qarabağ”:  1. Asmir Beqoviç, 2. Qara Qarayev, 3. Aylton Silva, 4. Rahil Məmmədov, 9. Xayme Romero, 5. Maksim Medvedev (k), 8. Miçel, 17. Abdullah Zubir, 20. Riçard Almeyda, 30. Abbas Hüseynov, 55. Bədavi Hüseynov.
Ehtiyat oyunçular: 13. Vaqner da Silva, 7. Araz Abdullayev, 10. Dani Kintana, 14. Rəşad Sadıqov, 11. Mahir Emreli, 21. Hacıağa Hacıyev, 23. Faysel Rerras
Baş məşqçi: Qurban Qurbanov
Sevilya. Ramon Sançes Pisxuan stadionu