Aşıq Ələsgər - Töküldü
Bir dili qurumuş “kaf”, “lam”, “sad” dеdi,
Yandı, ürəyimin yağı töküldü.
Huş başımdan gеtdi, ağlım dağıldı,
Əlimdə istəkan sağı töküldü.
Abad könlüm yеnə oldu tarimar,
Köhnə yaralarım еylədi qabar.
Qabağımda taam oldu zəhrimar,
Sanasan, süfrəmə ağı töküldü.
Ələsgər bağ saldı bardan ötəri,
Xəstə könlü ağlar nardan ötəri.
Bir gül bəsləyirdi yardan ötəri,
Xəzan vurdu, gül yarpağı töküldü.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət