Aşıq Ələsgər - Qıjhaqıj
Hər kəsin qəsdindən aşıqlıq keçir,
Qarşı gəlsin edək cəngi qıjhaqıj.
Dəli eşq də* dərya təki çalxanır,
Qeyzə gəlir səs ahəngi qıjhaqıj.
Hər kəs istər qana aşıq sirrini,
Axtarsın dayazı, gəzsin dərini.
Qeyli-qala salan aşiq sərini,
Siyah çalar qızıl rəngi qıjhaqıj.
Ələsgərin qəddi Sinaya yetər,
Dərs alanlar gedər sinaya yetər.
Əzrail qəsd eylər, sinaya yetər,
Can alar dəstində cəngi qıjhaqıj.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət