Aşıq Ələsgər - Əvəzdi
Gözəllər sultanı, ay Səlbi xanım,
Sallanışın bir mahala əvəzdi.
Gözlərinə qiymət qoya bilmirəm,
Qaşın min tümənlik mala əvəzdi.
Sürahi gərdənli, qəddi mötədil,
Səni gül yaradıb Cabbari-Cəlil.
Ləblərin şirəsi Abi-Səlsəbil,
Ləzzəti dünyada bala əvəzdi.
Ələsgərin ağlın aldın sərindən,
Saf gövhərsən, sərraf sеçib dərindən.
Sən bir gülsən gülüstanın tərindən,
Dеmək olmaz sana lala əvəzdi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət