Aşıq Bəsti - Yavaş-yavaş
Dolu döyüb bizi, bir də döyməsin,
Bulud qəzəblənmə, yağ, yavaş-yavaş.
Ağçınqıldan qara çəni kənar et,
Görünsün gözümə ağ, yavaş-yavaş.
Atdaş yaylağıdı ellərə bəlli,
Min bir bulağı var, dərəsi selli,
Görüm Löyü, qəlbim tapsın təsəlli,
Dumanı dağlardan yığ, yavaş-yavaş.
Bəsti deyər: gözdə qaldı murazım,
Həyanım yollardı, bir də ki, sazım.
Hələ ki, ellərdən gəlir avazım,
Deyirlər, yaşayır, sağ, yavaş-yavaş.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət