Aşıq Bəsti - Getdi (Köçdü Xançobanım fani dünyadan)
Köçdü Xançobanım fani dünyadan,
Nərgizlər dağlarda bitməmiş getdi.
Qaranquş eyvanda yuva qurmamış,
Quşlar bala üstə yatmamış getdi.
Ağçınqıl bəzəndi, cunalı qaldı,
Kəkliyin əlləri xınalı qaldı.
Gölləri ördəkli, sonalı qaldı,
Heyif, yar muraza yetməmiş getdi.
Gözəllər yığnağı, çeşmələr başı,
Qızların dəstəsi bir üzük qaşı...
Bəsti fəğan eylər, ağladar daşı,
Ağ əllərin xına tutmamış getdi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət