Aşıq Alı - Yaralar yarı
Tiri xədəng nə atırsan dal-dala,
Əl saxla, can alan, yaralar yarı.
Naşı yar dəyəndə yar yarasına,
İncidər, sızladar yaralar yarı.
Hədyan ərz eylədi dil, dara yıxdı,
Haqsız tənə dəydi dildara, yıxdı.
Əhdi ilqarına dildar ayıxdı,
İstəsər rizana şaqqalar yarı.
Əqlin Alı, gərdişindən nə kəsə,
Cəhd eylərsən, rast gələrsən nakəsə.
Çəkir xəncər, nə yayına, nə kəsə,
Cəlladın əlindən yar arar yarı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət