Aşıq Alı - Ayalı keçdi
Yad edəndə yad ellərdə diyarı,
Aşığın eynindən ayalı keçdi.
Sərdə yaraşıqdı ata Ağ Aşıq,
Dərsini sənədli, ayalı keçdi.
Çətin ki, daralar yaşada səni,
Asi eylər haqqa, ya şada səni.
İslansan, salarlar yaşa da səni,
Cəhd eylə çat elə, a yalı keç di.
Ərşdən çən çəkildi, ayazı qaldı,
Əqil zaya getdi, ay azı qaldı.
Sənətdən yadigar a yazı qaldı,
Gərdişi-ah –zarla, ay Alı, keçidi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət