Angela Merkelin Cənubi Qafqaza səfəri zamanı Qarabağ münaqişəsi müzakirə olunacaq
Almaniya kansleri Angela Merkelin Cənubi Qafqaza bu həftə baş tutacaq səfəri zamanı Dağlıq Qarabağ münaqişəsinin nizamlanması məsələsi müzakirə olunacaq.
"Report" Almaniya KİV-inə istinadən xəbər verir ki, bu barədə Almaniya federal hökumətinin nümayəndəsi Şteffan Zayber keçirdiyi brifinqdə bildirib.
Onun sözlərinə görə, Almaniya Avropa İttifaqından olan tərəfdaşları ilə birlikdə danışıqlar prosesini və ATƏT-in Minsk qrupunun səylərini dəstəkləyir, eləcə də tərəfləri münaqişənin sülh yolu ilə həll olunmasına çağırır.
Xatırladaq ki, Angela Merkel avqustun 23-25-də Gürcüstan, Ermənistan və Azərbaycana səfər edəcək.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət