AMEA-nın beynəlxalq təşkilata üzvlüyü ilə bağlı təsdiq məktubu göndərilib

Azərbaycan Milli Elmlər Akademiyasının dünyanın nüfuzlu elmi qurumu olan Beynəlxalq Elmi Şuraya (ISC) üzvlüyü təsdiq edilib. Bu münasibətlə Beynəlxalq Elmi Şuranın prezidenti Peter Gluckman tərəfindən AMEA-nın prezidenti, akademik İsa Həbibbəyliyə təsdiq məktubu göndərilib. 

Məktubda deyilir:

“Hörmətli prezident İsa Əkbər oğlu Həbibbəyli,

Beynəlxalq Elmi Şuranın işində və fəaliyyətində yüksələn müraciətə və marağa görə İdarə Heyəti adından Azərbaycan Milli Elmlər Akademiyasına səmimi təşəkkürümü bildirirəm. Elm üçün belə misilsiz vaxtda təşkilatlarımız arasında əlaqələr həmişəkindən də vacib olduğu üçün daha da möhkəmlənəcəkdir. BEŞ üzvü olaraq, AMEA qlobal çağırışların həllinin təmini məqsədilə səmərəli beynəlxalq əməkdaşlığın təşviqində 250-dən çox beynəlxalq elmi birlik və assosiasiyalar, həmçinin akademiyalar və tədqiqat şuraları daxil olmaqla, milli və regional elmi təşkilatlarla birlikdə dayanır. 

AMEA hazırda Beynəlxalq Elmi Şuranın tamhüquqlu nüfuzlu üzvüdür və BEŞ-nın Əsasnaməsinə uyğun olaraq, qarşıdan gələn bütün səsvermə prosedurlarında iştirak etmək hüququna malikdir.

Ümid edirəm ki, sizinlə virtual olaraq BEŞ üzvləri ilə müntəzəm onlayn görüşlərimizdən birində, Beynəlxalq Elmi Şuranın növbəti Baş Assambleyasında görüşəcəyik və Sizin rəhbərliyiniz altında AMEA ilə sıx əməkdaşlığı səbirsiliklə gözləyirəm. 

BEŞ-ya göstərdiyiniz marağa və bağlılığa görə Sizə təşəkkür edirik.

Hörmətlə,

Peter Gluckman

İSC-nin prezidenti”. 

Qeyd edək ki, AMEA sözügedən təşkilata və digərlərinə üzv olmaqla ölkəmizin mənafelərini beynəlxalq elmi müstəvidə qoruyur və dünya elm məkanında qərarların qəbulunda birbaşa iştirak etmiş olur.