Almaniya XİN Belarusu əlavə sanksiyalarla hədələdi

Almaniya XİN Belarusu əlavə sanksiyalarla hədələdi

Belarus Prezidenti Aleksandr Lukaşenko Avropa İittifaqının tələblərinə reaksiya verməzsə, rəsmi Minskə qarşı əlavə sanksiyalar tətbiq ediləcək.

"Report" "RİA Novosti"yə istinadən xəbər verir ki, bu barədə Almaniyanın Xarici İşlər naziri Hayko Maas “Bild” qəzetinə müsahibəsində bildirib.

“Avropa İttifaqı olaraq, seçkiləri (Belarusda keçirilən prezident seçkiləri – red.) tanımırıq və hazırda tətbiq olunan sanksiyalar barədə qərar qəbul etdik. Lukaşenko tələbələrə reaksiya göstərməsə, əlavə sanksiyalar da olacaq”, - Almaniya XİN başçısı söyləyib.

Nazirin sözlərinə görə, Lukaşenko dialoqa hazır olmalıdır: "Ondan müxalifətlə danışıqlar aparmasını, yeni seçkilər keçirilməsini tələb edirəm".