Alimlərdən araşdırma: insanlar daha çox hansı heyvanlardan qorxurlar?

Real həyatda insanların hansı canlılarla qarşılaşmaqdan qorxduqlarını müəyyən etmək üçün alimlər genişmiqyaslı sorğu keçirdilər, iştirakçıların hər birinə 24 şəkil təqdim olundu.

Bu yaxınlarda Karlov Universitetinin (Çexiya) alimləri məqsədi insanların hansı heyvanlardan qorxduğunu müəyyən etmək olan araşdırma apardılar. Bu iş üçün 2000 könüllü tələb olunurdu ki, onları da tapmaq çətin olmadı.

Bu elmi işin aparıcı müəllifi izah etdi ki, sınaq zamanı bütün iştirakçılara 24 şəkil göstərdilər, onların hər birində bir məxluq təsvir olunmuşdu.

Hər cavabdehdən təsvir edilən heyvanların hansının ən iyrənc olduğunu və qorxu hissi doğurduğunu cavablandırması tələb olundu. Daha dəqiq deyək, mütəxəssislər tərəfindən təklif olunan fobiyalar ən çox yayılanlar idi: ilanlar, hörümçəklər, siçanlar, parazitlər, uçan siçanlar, böyük heyvanlar və s.

Aydın oldu ki, insanlar real həyatda daha çox hörümçəklərlə qarşılaşmaqdan çəkinirlər, bu da səsvermədən məlum oldu. Alimlər bunu onların insanlardan çox fərqli olması ilə izah edirlər. “Ən dəhşətli”lərə bunlar da daxildir: ilanlar, tarakanlar və öküzlər.

Ən iyrənc canlılar isə bunlar oldu: böcək və parazitlər; görünür, insanlar onları xəstəliklərlə əlaqələndirirlər.