Agentlik sədrindən koronavirus cavablarının SMS-lə göndərilməsi ilə bağlı AÇIQLAMA
“Azərbaycanda koronavirus testləri mənfi çıxan şəxslərə SMS vasitəsilə cavabların göndərilməsi yaxın zamanda tətbiq olunacaq”.
Ens.az Oxu.az-a istinadən xəbər verir ki, bunu Nazirlər Kabineti yanında operativ qərargahın keçirdiyi mətbuat konfransında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib.
Onun sözlərinə görə, sistemdə texniki problemlər var idi və onları aradan qaldırmaq üçün sistem yenidən təkmilləşdirilib:
“Bir ailədə bütün üzvlər testdən keçir, nəticələrin göndərilməsi üçün bir nömrə verilib. Bu nəticələr göndərilən zaman problem yaranmışdı”.
“Buna görə sistem yenidən təkmilləşdirilir və yaxın zamanda tətbiqinə başlanılacaq”, - deyə sədr əlavə edib.
Şərhlər
Şərhləri göstər Şərhləri gizlət