Agentlik rəsmisi tibbi əməliyyat qiymətlərinin ödənilməsi məsələsinə aydınlıq gətirdi
“Bəzən xidmətlər zərfinin qarşısında olan məbləğlər insanları çaşdırır. Düşünürlər ki, bu məbləği onlar özləri ödəyəcək, lakin bu elə deyil”.
Ens.az Oxu.az-a istinadən xəbər verir ki, bu barədə İcbari Tibbi Sığorta üzrə Dövlət Agentliyinin mətbuat katibi Aynurə Əhmədova deyib.
O bildirib ki, xidmətlər zərfində əməliyyatların qarşısında yazılan məbləğlərlə bağlı bizə çoxsaylı suallar gəlir:
“Bu məsələyə aydınlıq gətirim. Həmin məbləğlər İcbari Tibbi Sığorta Agentliyi tərəfindən üzərinə 18 % ƏDV gəlmək şərtilə tibb müəssisəsinə ödənilir. Bu o halda ödənilir ki, həmin tibb müəssisəsi vətəndaşa o xidmətləri göstərsin. Ümumilikdə, xidmətlər zərfinin qarşısında yazılan məbləğ agentlik tərəfindən tibb müəssisəsinə ödənilən məbləği göstərir”.
Şərhlər
Şərhləri göstər Şərhləri gizlət