Ağ Aşıq Allahverdi - Baba yurd
Bu da bir cür yazı idi, yazdılar,
Hər kəlməni tərs uvanda yozdular.
Ürəyimi qazma-qazma qazdılar,
Gedər oldum, salamat qal, Baba yurd.
Yol boyunca qələmələr əl eylər,
Sıldırımlar öz qoynunu yol eylər,
Arpaçayı aşar-daşar sel eylər,
Gedər oldum, salamat qal, Baba yurd.
Ağ Aşığam, günüm qara, neyniyim,
Elim, günüm düşüb dara, neyniyim.
Dözəmmirəm, ahu-zara, neyniyim,
Gedər oldum, salamat qal, Baba yurd.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət