ABŞ kəşfiyyatı : Çində koronavirus barədə xəbər verməkdən qorxublar

Ens.az bildirir ki, ABŞ kəşfiyyatı Çində məmurların mərkəzi hakimiyyət orqanlarına koronavirus haqqında məlumat verməkdən qorxduğunu düşünür. 

Nüfuzlu New York Times yazır ki, ABŞ kəşfiyyat orqanları Uhan şəhəri  və  bütövlükdə Hubey əyalətinin rəsmilərinin  cəza qorxusundan Çin mərkəzi hökumətindən koronavirus haqqında əhəmiyyətli məlumatları gizlətdiklərinə dair nəticəyə gəliblər.

Qəzet  Amerika Birləşmiş Ştatlarının xüsusi xidmət orqanlarının hesabatına istinadən xəbər verir.

"İlk olaraq iyun ayında yayımlanan hesabatda məxfi və qeyri-məxfi qrifi olan bölmələr var və sənəd CIA və digər xüsusi xidmət orqanlarının ümumi mövqeyini əks etdirir. Burada Kommunist Partiyası rəsmilərinin vacib məlumatları dünyadan gizlədikləri vurğulanır. Eyni zamanda Pekin, Çinin mərkəzi əyalətlərindəki məmurlarından məlumat almaq problemi ilə üzləşsə də, ÜST-ə məlumat vermədiyi üçün xəstəliyin yayılmasının gizlənməsində rol oynadı "deyə qəzet yazır.

Mənbə: censor.net