“ABŞ ilə danışıqlara getməyəcəyik” - Xamenei

“ABŞ ilə danışıqlara getməyəcəyik” - Xamenei

“İran ABŞ-ilə danışıqlara getməyəcək, çünki Vaşinqton yalnız öz maraqlarını düşünür”.

Ens.az Qafqazinfo.az-a istinadən xəbər verir ki, bunu İranın ali dini lideri Ayətullah Əli Xamenei deyib.

“Bəzi vicdansız hökumətlər problemləri həll etmək üçün deyil, öz maraqlarını sırımaq üçün danışıqlar aparırlar. Şübhəsiz ki, İran onların ümidlərini doğrultmayacaq”, - Xamenei deyib.

Onun sözlərinə görə, Qərbin ikili standartlardan istifadə etməsi “sivilizasiya üçün rüsvayçılıqdan” başqa bir şey deyil.

O əlavə edib ki, İkinci Dünya Müharibəsi zamanı nasist Almaniyasının cinayətlərini etiraf etmək və eyni zamanda israillilərin Qəzza zolağındakı cinayətlərini inkar etmək mümkün deyil.