Slimfit
  1. ƏDƏBİYYAT

Abbasqulu ağa Bakıxanov - Yersiz minnət qoymaq

Abbasqulu ağa Bakıxanov - Yersiz minnət qoymaq
Sakura

Abbasqulu ağa Bakıxanov - Yersiz minnət qoymaq

Eşitdim: pul verib təbibə səhər--
Bir xəstə üstünə dəvət etdilər.
Xəstənin qüvvəti getmişdi tamam.
Hərarət içində yanırdı müdam.
Qürurla soruşdu ondan kef, əhval,
Xəstəyə verdi o bir neçə sual.
Nəhayət, guya ki, o tapdı dərdi,
Xəstədən qan almaq əmrini verdi.
Yazığın qolundan alındıqda qan,
Qanıyla bərabər axıb getdi can.
Qorxuyla, təşvişlə olsa da, həkim,
Deyirdi: «Nə yaxşı oldu tədbirim.
Nə yaxşı qan aldıq, dincəldi bədən,
Qurtardıq xəstəni bu ağır dərddən».
Bizim əsrdə də belədir: əyan--
Döşünə döyərlər hər alanda can.
Hər kəsin bir işi düşsə əlinə,
Pozaraq o işi, öyünər yenə.
Bu çür minnət qoyub, can almaq, həmən,
Yaxşıdır yenə boş vədə verməkdən.
Deyirlər: Bir kəsdən edəndə xahiş,
Düzəltsin birinə bir əməl, bir iş.
Əzəldən düzünü söylərdi o kəs:
«Ki, ümid olmayın siz mənə əbəs,
Elə bu sizə çox hörmətdir ki, mən,
Avara qoymuram öz işinizdən».
Ey Qüdsi, buraxma düzlüyü sən də,
Hörmətsiz olarsan yalan deyəndə.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

General Əliağa Şıxlinski Molla Vəli Vidadinin nəticəsidir.

Redaktor seçimi

SON XƏBƏRLƏR