Abbasqulu ağa Bakıxanov - Hər zülmün rahatlıq bəxş edir inan
Hər zülmün rahatlıq bəxş edir inan,
Şövqindir qəlbimi işıqlandıran.
Hər yerdə cəmalın bir gözəlliklə,
Gözlərim önündən çəkilmir bir an.
Qəbulun şübhəsiz bəxtiyarlıqdır,
Olmadım lütfündən mənsə kamiran.
Bəs hanı mənzilin, sənə yol hanı?
Geriyə qalmışdır bizim karivan.
Nakamlıq özü bir kam oldu bizə,
Bu imiş eşqdən bizə ərmağan.
Əlində xəncərdir, ləbində gülüş,
Qəribə qatilmiş bizim canalan.
Qüdsi, heyrətdəyəm, məni rədd edən,
O gözəl olmuşdur indi mehriban.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət