“180 minə yaxın məzunumuz olub”

“180 minə yaxın məzunumuz olub”

"Bu gün biz çox xoş və qürurverici anlar yaşayırıq".

"Qafqazinfo" xəbər verir ki, bu sözləri Bakı Dövlət Universitetinin rektoru Elçin Babayev universitetin silsilə yubiley tədbirləri çərçivəsində Fəxri xiyabana ziyarətində deyib. Rektor bildirib ki, artıq universitetin 100 illik yubileyi ilə bağlı tədbirlərə start verilib: "Həm Bakıdan, həm də xaricdən xeyli məzunlarımız toplaşıb. Onlar bizi hər zaman qürurlandırır. Ötən əsr ərzində 180 minə yaxın məzunumuz olub. Bakı Dövlət Universitetinin ən məşhur məzunu, siyasi xadim Heydər Əliyevdir. İnanıram ki, Universitetimiz bundan sonra da ölkənin ictimai-siyasi həyatında mühüm rol oynayacaq. Bu əlamətdar gün münasibətilə hamını təbrik edirəm".