Sərt karantin dövründə kommunal borclar dövlət tərəfindən ödənilə bilərmi? - Deputatdan açıqlama

Xəbər verdiyimiz kimi, Azərbaycanda sərt karantin rejimi avqustun 31-nə kimi uzadılıb. Nəticədə yenə də bir çox müəssisələr fəaliyyət göstərə bilməyəcəklər. Əlbəttə bu, aztəminatlı ailələin maddi durumuna müəyyən təsirlər göstərir. Sərt karantin dövründə kommunal borclar dövlət tərəfindən ödənilə bilərmi?

Ens.az xəbər verir ki, mövzu ilə bağlı KONKRET.az-a danışan deputat Müşfiq Cəfərov bildirib ki, yeni növ koronavirus infeksiyasının dünya ölkələrini kəskin böhran və itkilərlə, sosial-iqtisadi problemlərlə üz-üzə qoyduğu son dönəm dövlətlər üçün bir sınaq oldu:

“Düşünürəm ki, belə həssas bir məqamda dövlətimiz tərəfindən də geniş tədbirlər həyata keçirilir və keçirilməyə də davam edəcək. İlk növbədə qeyd edim ki, aztəminatlı ailələr, yəni günəmuzd işləyən insanlar Əmək və Əhalinin Sosial Müdafiəsi Nazirliyi tərəfindən siyahıya alınıb. Birdəfəlik sosial yardım paketi tətbiq olunan zaman bu siyahıya əlavələr olundu”.