Hindistanın baş naziri xalqın içində yoqa ilə məşğul oldu

Hindistanın baş naziri xalqın içində yoqa ilə məşğul oldu

Hindistanın baş naziri Narendra Modi 40 min insanla birlikdə yoqa edib.

Publika.az xəbər verir ki, bu barədə “Press Trust of India” informasiya yayıb.

Xəbərə görə, 5-ci Beynəlxalq Yoqa Günü münasibətilə Carkənd əyalətinə gedən Modi sübh saatlarında yoqasevərlərlə bir araya gəlib. Baş nazir bildirib ki, şəhərlərdən kəndlərə qədər hər kəs yoqa ilə məşğul olmağa cəhd göstərməlidir.

Qeyd edək ki, Beynəlxalq Yoqa Gününün qeyd olunması Narendra Modinin adı ilə bağlıdır. O, 2015-ci ildə BMT-yə verdiyi müraciətdə 21 iyunun yoqa günü kimi qeyd olunmasını tələb etmişdi.